Нашы выхаванцы разам з бацькамі вельмі любяць гатаваць і частавацца стравамі беларускай кухні. Найбольш папулярнымі стравамі з'яўляюцца дранікі і клёцкі.

На працягу Тыдня беларускай мовы у групавых памяшканнях нашай установы дашкольнай адукацыі былі арганізаваны выставы беларускай дзіцячай літаратуры. Маленькія чытачы самастойна, або з выхавацелямі мелі магчымасць пазнаёміцца з творамі беларускай дзіцячай літаратуры, арганізаваць па іх змесце тэатральныя замалёўкі, гульні.

У рамках марафона "Мова родная - мова модная" (выкананне беларускіх песень) выхаванцы старшай групы слухалі і выконвалі песню "Радзіма мая дарагая", заводзілі карагод агародніны і танцавалі "Лявоніху".